گلش دیال
( آصف شاہکار دی نظم توں متاثر ہو کے لکھی)
پہلے پیار دے مگروں
میں سی اکل مْکلی
رونا موئے پیار دا نہیں سی شاید
نا ای کیرنے کسے دی بے وفائی دے
رونا سی تے اپنے سکھنے ہتھاں تے سی
جتھے بھاگاں
کوئی لکیر نہیں سی واہی
ہن توں آیا ہیں
بھانویں دوجا پیار ہی ہیں توں
پر نواں نرویا تازہ تے پاک
ہر روز زیادہ تے ہور ودھیرے
ورھیاں توں پتھرائی ہوئی
ہن موم دے وانگوں پنگھر جاندی آں
تیرے پیار دے سیک نال
کدیں توں محبوب
کدیں عشق ، کدیں رب
ہن لگدا اے
پہلا پیار وی توں ایں
دوجا وی تے
آخری وی
No comments:
Post a Comment